وینزویلا میں زلزلوں سے تباہی، ہلاکتیں 4 ہزار 890 تک پہنچ گئیں

کراکس( مانیٹرنگ ڈیسک) وینزویلا میں آنے والے شدید زلزلوں کے نتیجے میں ہلاکتوں کی تعداد 4 ہزار 890 تک پہنچ گئی ہے۔سرکاری اعداد و شمار کے مطابق امدادی ٹیمیں سب سے زیادہ متاثرہ علاقوں میں منہدم عمارتوں کے ملبے تلے دبے افراد کی تلاش کا عمل جاری رکھے ہوئے ہیں۔ایمرجنسی اور ریسکیو اداروں کے اہلکار پھنسے ہوئے افراد کو نکالنے کے لیے چوبیس گھنٹے کام کر رہے ہیں، تاہم تباہ شدہ انفراسٹرکچر اور سڑکوں کی خراب صورتحال کے باعث امدادی کارروائیوں میں مشکلات کا سامنا ہے۔حکام کے مطابق ہزاروں زخمیوں کو طبی امداد فراہم کی جا رہی ہے، جبکہ بے گھر ہونے والے خاندانوں کے لیے عارضی رہائش گاہیں قائم کر دی گئی ہیں۔امدادی سرگرمیوں میں تعاون کے لیے مختلف ممالک اور عالمی تنظیموں کی جانب سے امداد بھی پہنچائی جا رہی ہے۔حکام کا کہنا ہے کہ یہ زلزلے حالیہ برسوں میں وینزویلا کی بڑی قدرتی آفات میں شامل ہیں، جن کے باعث بڑے پیمانے پر جانی و مالی نقصان ہوا ہے۔ امدادی کارروائیاں جاری رہنے کے باعث ہلاکتوں کی تعداد میں مزید اضافے کا خدشہ ظاہر کیا جا رہا ہے۔