ازبک میڈیا میں الہام علی یف کا دورہ، دوطرفہ تعلقات پر زور

باکو( تر کیہ خبر) ازبکستان کے بڑے ذرائع ابلاغ نے آذربائیجان کے صدر الہام علی یف کے دورۂ ازبکستان، اہم ملاقاتوں، تقریبات، معاہدوں اور طے پانے والے اہم سمجھوتوں کو نمایاں کوریج دی۔ازبک میڈیا نے صدر الہام علی یف کے دورے کو دونوں ممالک کے باہمی تعلقات میں نئی پیش رفت کا اہم مرحلہ قرار دیا۔ رپورٹس میں آذربائیجان اور ازبکستان کے صدور کے درمیان اعلیٰ سطحی مذاکرات اور تاشقند میں بین الحکومتی اعلیٰ کونسل کے تیسرے اجلاس کو خصوصی اہمیت دی گئی۔رپورٹس کے مطابق مذاکرات میں دوطرفہ تزویراتی روابط کے فروغ، سیاسی رابطوں کو مضبوط بنانے، تجارت میں اضافے، علاقائی و کاروباری تعاون اور نقل و حمل کے راستوں سے بھرپور فائدہ اٹھانے پر توجہ مرکوز رہی۔ازبک ذرائع ابلاغ نے 23 اگست کو صدر الہام علی یف کے تاشقند پہنچنے، سرکاری استقبال اور دورے کے باقاعدہ آغاز کو بھی نمایاں طور پر نشر کیا۔ازبک میڈیا نے صدر الہام علی یف اور صدر شوکت مرزیایوف کے درمیان بالمشافہ ملاقات اور وسیع وفود کی سطح پر مذاکرات کو دورے کا اہم ترین مرحلہ قرار دیا۔ رپورٹس میں سیاسی، معاشی، ٹرانسپورٹ، لاجسٹکس اور انسانی شعبوں میں تعاون بڑھانے پر بھی روشنی ڈالی گئی۔ذرائع ابلاغ نے دونوں ممالک کے صدور کی شرکت سے شروع کیے گئے متعدد نئے مشترکہ منصوبوں اور اقدامات کو بھی نمایاں کوریج دی۔