امریکا اور کینیڈا میں تجارتی کشیدگی کم کرنے کے لیے مذاکرات جاری

واشنگٹن( مانیٹرنگ ڈیسک) امریکا اور کینیڈا کے درمیان تجارتی کشیدگی کم کرنے کے لیے اہم پیش رفت سامنے آئی ہے، جہاں دونوں ممالک کینیڈین اسٹیل اور گاڑیوں کی درآمدات پر امریکی محصولات میں نرمی کے معاہدے کے لیے مذاکرات کررہے ہیں۔خبر رساں ادارے رائٹرز کے مطابق مذاکرات سے واقف امریکی اور کینیڈین ذرائع کا کہنا ہے کہ معاہدہ 3 نومبر کے وسط مدتی انتخابات سے پہلے بھی طے پاسکتا ہے، تاہم ابھی حتمی فیصلہ نہیں ہوا۔امریکا نے کینیڈین اسٹیل پر 50 فیصد تک اور گاڑیوں پر 25 فیصد محصولات عائد کررکھے ہیں۔ صدر ڈونلڈ ٹرمپ یکم جنوری 2027 سے اسٹیل اور گاڑیوں پر محصولات 50 فیصد تک بڑھانے کا اعلان بھی کرچکے ہیں۔دوسری جانب کینیڈا نے کہا ہے کہ وہ اپنے قومی مفادات کا تحفظ کرتے ہوئے امریکا کے ساتھ باہمی فائدے پر مبنی تجارتی تعلقات کے لیے مذاکرات جاری رکھے گا۔