صدر الہام علییف کی عالمی سیاحتی تنظیم کی سربراہ سے ملاقات

باکو (ترکیہ خبر) آذربائیجان کے صدر الہام علییف نے 26 اکتوبر کو عالمی سیاحتی تنظیم کی سیکریٹری جنرل شیخہ النوویس سے ملاقات کی۔آذرتاج کے مطابق شیخہ النوویس نے ملاقات کا موقع فراہم کرنے پر صدر الہام علییف کا شکریہ ادا کیا۔ملاقات میں آذربائیجان اور عالمی سیاحتی تنظیم کے درمیان جاری تعاون پر اطمینان کا اظہار کیا گیا۔ اس موقع پر ملک میں سیاحت کے فروغ کے لیے حکومتی اقدامات اور دارالحکومت کے ساتھ ساتھ مختلف علاقوں میں جدید سیاحتی بنیادی ڈھانچے کی تعمیر کا ذکر کیا گیا۔ملاقات میں اس بات پر زور دیا گیا کہ ملک میں امن و امان کی صورتحال سیاحت کی ترقی کے لیے انتہائی اہم ہے اور آذربائیجان سیاحوں کے لیے ایک پرکشش ملک ہے۔فریقین نے مستقبل میں باہمی تعاون کے امکانات پر بھی تبادلہ خیال کیا۔