آذربائیجان میں بارودی سرنگ کا دھماکا، ڈی مائننگ عملے کے 2 افراد زخمی

باکو( تر کیہ خبر) آذربائیجان کے ضلع اغدرہ کے گاؤں چارداغلی میں بارودی سرنگیں صاف کرنے کے آپریشن کے دوران اینٹی پرسنل مائن کے دھماکے میں دو افراد زخمی ہو گئے۔آذربائیجان مائن ایکشن ایجنسی (اے این اے ایم اے) کے مطابق واقعہ اس وقت پیش آیا جب انسانی بنیادوں پر بارودی سرنگوں کی صفائی کے کام میں مصروف ایک غیر سرکاری ادارے کا ملازم سرخائیلی الزامین وزیر اوغلو (پیدائش 1994ء) اپنے فرائض انجام دے رہا تھا۔دھماکے کے نتیجے میں سرخائیلی الزامین کی دائیں ٹانگ زخمی ہوئی، جبکہ دوسرے کارکن مرزایف فضولی رضوان اوغلو (پیدائش 1998ء) کو بھی معمولی چوٹیں آئیں۔زخمی افراد کو فوری طور پر ضلع کے مرکزی اسپتال منتقل کیا گیا، جہاں ڈاکٹروں نے طبی معائنے اور علاج کے بعد ان کی حالت کو تسلی بخش قرار دیا ہے۔