آغدام کے تاریخی امیرات کمپلیکس کا دورہ، ترکولوجی کانگریس کے شرکاء کو تفصیلی بریفنگ

آغدام( کلچر ڈیسک) “پہلا کانگریس برائے ترکولوجی: ایک صدی کا علمی و ثقافتی ورثہ” کے شرکاء نے ترک دنیا کے ہفتۂ ثقافت کے سلسلے میں یکم جولائی کو آغدام میں واقع تاریخی و تعمیراتی کمپلیکس “امیرات میوزیم” کا دورہ کیا۔یہ کانگریس ترکولوجی کے پہلے عالمی اجلاس کی صد سالہ تقریبات کے موقع پر منعقد کیا گیا تھا۔دورے کے دوران شرکاء کو قرا باغ خانیت کی تاریخ، پنہ علی خان کے ورثے اور دیگر اہم تاریخی شخصیات کے کردار کے بارے میں تفصیلی معلومات فراہم کی گئیں۔ انہیں بتایا گیا کہ یہ خطہ آذربائیجان کی ریاستی تاریخ میں ایک نمایاں مقام رکھتا ہے۔منتظمین کے مطابق امیرات کمپلیکس نہ صرف ایک تاریخی و تعمیراتی یادگار ہے بلکہ یہ قرا باغ کی ثقافتی یادداشت کو محفوظ رکھنے والا ایک اہم ورثہ بھی ہے۔مزید بتایا گیا کہ علاقے میں جاری بحالی اور تعمیر نو کے منصوبے تاریخی آثار کی اصل شکل کو برقرار رکھتے ہوئے کیے جا رہے ہیں، جن کا مقصد اس خطے کو ایک جدید ثقافتی اور سیاحتی مرکز میں تبدیل کرنا ہے۔شرکاء کو کمپلیکس میں فراہم کردہ سہولیات اور قرا باغ کی آزادی کے بعد شروع ہونے والی وسیع پیمانے کی بحالی کے عمل سے بھی آگاہ کیا گیا۔