ترک خاتونِ اول ایمنے اردوان کی کمبوڈیا کے وزیراعظم کی اہلیہ سے ملاقات
استنبول( تر کیہ خبر) ترکیہ کی خاتونِ اول ایمنے اردوان نے جمعے کو استنبول میں کمبوڈیا کے وزیراعظم ہون مانیٹ کی اہلیہ پیچ چنمونی سے ملاقات کی۔ایمنے اردوان نے ترکیہ کے دورے پر اپنے شوہر کے ہمراہ آنے والی پیچ چنمونی کا استقبال وحدتین محل کے دروازے پر کیا۔ دونوں نے بغل گیر ہو کر ایک دوسرے کا خیرمقدم کیا اور محل کے سامنے یادگاری تصویر بنوائی، جس کے بعد وہ بات چیت کے لیے اندر چلی گئیں۔ملاقات کے دوران پیچ چنمونی نے عالمی سطح پر صفر کچرے کے فروغ سے متعلق خیرسگالی اعلامیے پر دستخط کیے۔ یہ اقدام ایمنے اردوان کی قیادت میں تیار کیا گیا تھا، جبکہ اس اعلامیے پر سب سے پہلے ترک صدر رجب طیب اردوان نے دستخط کیے تھے۔بعد ازاں ایمنے اردوان اور پیچ چنمونی نے ایک ساتھ کھانا بھی کھایا۔