ترکیہ کی دفاعی اور فضائی مصنوعات کی برآمدات 10 ارب ڈالر سے تجاوز کر گئیں

استنبول( تر کیہ خبر) ترک صدر رجب طیب اردوان نے کہا ہے کہ ترکیہ نے 2025 میں 180 ممالک اور خطوں کو 10 ارب ڈالر سے زائد مالیت کی دفاعی اور فضائی مصنوعات برآمد کیں۔استنبول میں ترکیہ انوویشن ویک 2026 کی تقریب سے خطاب کرتے ہوئے اردوان نے بتایا کہ گزشتہ سال دفاعی اور فضائی شعبوں کی برآمدات 10 ارب ڈالر سے زیادہ رہیں۔انہوں نے کہا کہ ترکیہ تحقیق کی صلاحیتیں بڑھانے، ٹیکنالوجی کے شعبے میں نئے کاروباروں کی معاونت کرنے اور زیادہ قدر پر مبنی مصنوعات کی تیاری تیز کرنے کے لیے اقدامات کر رہا ہے۔ترک صدر کے مطابق قومی ٹیکنالوجی اقدام کے تحت ملک نے تحقیق و ترقی اور جدت طرازی کا ایک وسیع بنیادی ڈھانچہ قائم کیا ہے، جو دنیا کے صرف چند ممالک کو حاصل ہے۔