ترک وزیر خارجہ حاقان فیدان آج ریاض میں اہم اجلاس میں شریک ہوں گے

استنبول، انقرہ( تر کیہ خبر) ترکی کے وزیر خارجہ حاقان فیدان پیر کو ریاض میں مکہ مشترکہ دفاعی معاہدے کے تحت قائم اسٹریٹجک سیاسی و دفاعی کمیٹی کے اجلاس میں شرکت کریں گے۔ یہ اتحاد اگست میں پاکستان اور سعودی عرب کے ساتھ قائم کیا گیا تھا۔ترک وزارت خارجہ کے ذرائع کے مطابق وزیر دفاع یشار گولر اور چیف آف جنرل اسٹاف جنرل سلجوق بایراکتار اوغلو بھی سعودی دارالحکومت میں ہونے والے اجلاس میں شریک ہوں گے۔اجلاس میں حاقان فیدان اتحاد کو ادارہ جاتی شکل دینے، آئندہ اقدامات اور مشرق وسطیٰ میں امن و استحکام کو درپیش خطرات سے متعلق ترکی کا مؤقف پیش کریں گے۔وہ اتحادی ممالک کی مشترکہ سلامتی سے متعلق علاقائی صورتحال پر بھی ترکی کی رائے بیان کریں گے اور اتحاد کے قیام کے مختصر عرصے میں ہونے والی پیش رفت کو خطے میں دیرپا استحکام کے لیے اہم قرار دیں گے۔حاقان فیدان سعودی عرب کے خلاف حالیہ حوثی حملوں کے تناظر میں ترکی کی مضبوط یکجہتی اور حمایت کا اعادہ کریں گے اور مقدس مقامات کو نشانہ بنانے والی اشتعال انگیز کارروائیوں کو ناقابل قبول قرار دیں گے۔