21 ممالک کے 32 نمائندوں نے انطالیہ خلائی اعلامیے کی توثیق کردی

انطالیہ، ترکیہ( تر کیہ خبر) ترکی کے وزیر صنعت و ٹیکنالوجی محمد فاتح کاجیر نے کہا ہے کہ 21 ممالک کے 32 شرکا نے انطالیہ اعلامیے کی منظوری دے کر اس کی توثیق کردی ہے، جو پہلی مرتبہ بین الاقوامی خلائی کانگریس کے وزرا اور ارکان پارلیمنٹ اجلاس میں کسی اعلامیے کی منظوری ہے۔انہوں نے کہا کہ 21 ممالک سے تعلق رکھنے والے 32 اہم شرکا، جن میں وزرا، ارکان پارلیمنٹ اور خلائی اداروں کے سربراہان شامل ہیں، کی جانب سے اعلامیے کی منظوری باعث اطمینان ہے۔محمد فاتح کاجیر کے مطابق اعلامیے میں عالمی خلائی تعاون کے فروغ میں بین الاقوامی فلکیاتی فیڈریشن کے اہم کردار کی دوبارہ توثیق کی گئی ہے۔ انہوں نے ان ممالک اور عالمی اداروں سے بھی اعلامیے کو اپنانے اور اس پر دستخط کرنے کی اپیل کی جو ابھی اس کا حصہ نہیں بنے۔اجلاس میں 38 ممالک کی نمائندگی کرنے والے وزرا، قانون ساز، پارلیمانی وفود، خلائی اداروں کے سربراہان اور عالمی تنظیموں کے اعلیٰ حکام نے شرکت کی۔