شاہ دنیز گیس فیلڈ کے 20 سال، 34 کنوؤں سے پیداوار جاری ہے:بختیار اسلان

باکو( تر کیہ خبر) شاہ دنیز گیس فیلڈ سے پہلی بار 2006 میں گیس کی پیداوار شروع ہوئی تھی اور رواں سال اس منصوبے سے گیس نکالنے کے 20 سال مکمل ہو رہے ہیں۔ تاہم یہاں پیداوار کی شرح اب بھی بلند ہے اور کچھ عرصے تک برقرار رہنے کی توقع ہے۔یہ بات بی پی کے بحیرۂ کیسپین، وسطی ایشیا اور ترکی کے خطے میں ابلاغ اور بیرونی تعلقات کے نائب صدر بختیار اسلان بیلی نے آذرتاج کو انٹرویو دیتے ہوئے بتائی۔انہوں نے کہا کہ شاہ دنیز کے کنویں بی پی کے سب سے زیادہ پیداوار دینے والے کنوؤں میں شامل ہیں۔ دنیا بھر میں بی پی کے سب سے زیادہ پیداوار والے 20 کنوؤں میں سے 17 شاہ دنیز گیس فیلڈ میں موجود ہیں۔بختیار اسلان بیلی کے مطابق اس سے ظاہر ہوتا ہے کہ اس گیس فیلڈ کے ذخائر انتہائی وسیع ہیں، جن سے زیادہ سے زیادہ مؤثر انداز میں پیداوار حاصل کرنے کی کوشش کی جا رہی ہے۔ شاہ دنیز منصوبہ آذربائیجان کی گیس برآمد کرنے کی صلاحیت میں خصوصی اہمیت رکھتا ہے۔انہوں نے بتایا کہ 2026 کی دوسری سہ ماہی کے اختتام تک شاہ دنیز گیس فیلڈ میں مجموعی طور پر 34 کنویں فعال تھے۔ ان میں 11 کنویں شاہ دنیز ایک اور 23 کنویں شاہ دنیز دو منصوبے کے تحت کھودے گئے، جبکہ ان میں سے 32 کنوؤں سے پیداوار پہلے ہی جاری تھی۔