ترکیہ کا 2028 تک امریکہ سے تجارتی ہدف پچاس ارب ڈالر مقرر

 انقرہ ( تر کیہ خبر)ترکیہ کے وزیر تجارت عمر بولات نے ملواکی، وسکونسن میں جی ٹوئنٹی وزرائے تجارت کے اجلاس کے موقع پر امریکی، سعودی، کینیڈین اور یورپی یونین کے حکام سے ملاقاتیں کیں۔ انہوں نے امریکی تجارتی نمائندے جیمیسن گرین کے ساتھ دو طرفہ تجارت کو 2028 کے آخر تک 50 ارب ڈالر تک پہنچانے، تجارتی رکاوٹیں دور کرنے اور توانائی، دفاع اور ڈیجیٹل معیشت میں تعاون پر تبادلہ خیال کیا۔ اس سال باہمی تجارت کے 42 سے 43 ارب ڈالر تک پہنچنے کی توقع ہے۔