ازبکستان میں وزیر اعظم علی اسدوف کو “برائٹ ازبکستان” میگزین کا خصوصی شمارہ پیش

باکو( ترکیہ خبر) باکو میں سرکاری ذرائع کے مطابق آذربائیجان کے وزیر اعظم علی اسدوف کو ازبکستان کے دورے کے دوران بین الاقوامی میڈیا پروجیکٹ “برائٹ ازبکستان” کے خصوصی شمارے پیش کیے گئے۔اطلاعات کے مطابق یہ خصوصی شمارے ازبکستان میں منعقدہ ایک تقریب کے دوران پیش کیے گئے، جس کا مقصد دونوں ممالک کے درمیان میڈیا اور سفارتی تعلقات کو فروغ دینا ہے۔وزارتِ اعظمیٰ کے مطابق اس میگزین کے آذربائیجان سے متعلق خصوصی شمارے ملک کے قومی رہنما حیدر علییف کی سیاسی خدمات اور موجودہ صدر الہام علییف کی قیادت میں حاصل ہونے والی ترقیاتی کامیابیوں پر مبنی ہیں۔ان اشاعتوں میں آذربائیجان کی سیاسی، معاشی اور سماجی پیش رفت کو اجاگر کیا گیا ہے، جبکہ دونوں ممالک کے درمیان تعاون کو مزید مضبوط بنانے پر بھی زور دیا گیا ہے۔