صاحبہ غفاروا کا امن، عالمی قانون اور تنازعات کے پُرامن حل پر زور
باکو( تر کیہ خبر) آذربائیجان کی قومی اسمبلی کی اسپیکر صاحبہ غفاروا نے کمبوڈیا کے شہر نوم پنہ میں ہونے والی بین الپارلیمانی اسپیکرز کانفرنس کے دوسرے اجلاس سے ویڈیو خطاب کیا۔کانفرنس کا موضوع ’’امن اور مشترکہ خوشحالی کے لیے یکجہتی، عالمی قانون کا استحکام اور تنازعات کا پُرامن حل‘‘ تھا۔صاحبہ غفاروا نے امید ظاہر کی کہ 2025 میں قائم ہونے والی یہ نئی پارلیمانی تنظیم دنیا بھر کے پارلیمانی رہنماؤں کے لیے ایک مؤثر اور کھلا پلیٹ فارم بن کر مزید ترقی کرے گی۔انہوں نے کہا کہ تنظیم پارلیمانی سفارت کاری کے فروغ اور امن، عالمی قوانین کے احترام، تنازعات کے پُرامن تصفیے اور مشترکہ خوشحالی کے اہداف کے حصول میں اہم کردار ادا کرسکتی ہے۔