باکو: ( ترکیہ خبر) آذربائیجان کے صدر الہام علییف نے امریکا کے صدر ڈونلڈ ٹرمپ کو ان کی 80ویں سالگرہ کے موقع پر تہنیتی خط ارسال کیا ہے۔یہ معلومات صدر کے آفیشل سوشل میڈیا اکاؤنٹ پر بھی شیئر کی گئی۔خط میں صدر علییف نے ڈونلڈ ٹرمپ کے لیے نیک خواہشات کا اظہار کرتے ہوئے کہا کہ وہ انہیں مضبوط صحت، لمبی عمر اور خوشحالی کی دعا دیتے ہیں اور امریکا کی قیادت میں ان کی خدمات کو سراہتے ہیں۔انہوں نے اپنے پیغام میں کہا کہ آذربائیجان اور امریکا کے درمیان اسٹریٹجک شراکت داری کے فروغ میں ڈونلڈ ٹرمپ کا کردار اہم رہا ہے، اور دونوں ممالک کے تعلقات کو نئی بلندیوں تک لے جانے میں ان کی کوششیں قابلِ تعریف ہیں۔خط میں یہ بھی کہا گیا کہ حالیہ عرصے میں دونوں ممالک کے درمیان اعلیٰ سطحی ملاقاتوں اور معاہدوں نے دوطرفہ تعلقات کو ایک نئے مرحلے میں داخل کیا ہے۔صدر علییف نے مزید کہا کہ علاقائی امن کے فروغ، خصوصاً جنوبی قفقاز میں استحکام کے لیے امریکا کی کوششوں کو آذربائیجان قدر کی نگاہ سے دیکھتا ہے۔انہوں نے اس امید کا اظہار کیا کہ دونوں ممالک آئندہ بھی تجارت، سرمایہ کاری، توانائی، سلامتی اور ٹیکنالوجی کے شعبوں میں تعاون کو مزید فروغ دیتے رہیں گے۔
