صدر الہام علییف اور رمضان قادروف کا باکو کے جدید شہری منصوبے کا دورہ
باکو( تر کیہ خبر) آذربائیجان کے صدر الہام علییف اور روسی جمہوریہ چیچنیا کے سربراہ رمضان قادروف نے ۱۰ اکتوبر کو باکو وائٹ سٹی کا دورہ کیا۔آذربائیجان کی سرکاری خبر رساں ایجنسی کے مطابق منصوبے کے انتظامی سربراہ روسلان صادقوف نے چیچنیا کے سربراہ کو علاقے میں فراہم کردہ سہولتوں اور جاری ترقیاتی کاموں سے متعلق آگاہ کیا۔حکام نے بتایا کہ یہ علاقہ ماضی میں بلیک سٹی کے نام سے مشہور تھا۔ یہاں ڈیڑھ سو سال سے زائد عرصے تک تیل کی صنعت کے فضلے کے باعث آلودگی پھیلتی رہی اور متعدد مقامات پر تیل کے تالاب موجود تھے۔آذربائیجان کے صدر کی پہل پر اس آلودہ علاقے کو جدید رہائشی بستی میں تبدیل کرنے کے لیے ایک منفرد ماحولیاتی منصوبہ شروع کیا گیا، جسے عالمی سطح پر ایک نمایاں مثال قرار دیا جاتا ہے۔باکو وائٹ سٹی منصوبے کا آغاز ۲۴ دسمبر ۲۰۱۱ء کو صدر الہام علییف اور خاتونِ اول مہربان علییوا کی موجودگی میں کیا گیا تھا۔ یہ منصوبہ جدید شہری منصوبہ بندی کے نمایاں نمونوں میں شمار ہوتا ہے۔