اسلامی ممالک کی پارلیمانی یکجہتی وقت کی اہم ضرورت ہے، صاحبہ غفاروا
باکو (ترکیہ خبر) آذربائیجان کی قومی اسمبلی کی اسپیکر صاحبہ غفاروا نے کہا ہے کہ اسلامی تعاون تنظیم کے رکن ممالک کی پارلیمانی یونین باہمی یکجہتی کو مضبوط بنانے اور مشترکہ مؤقف کو فروغ دینے کے لیے ایک مؤثر اور اہم پلیٹ فارم بن چکی ہے۔آذربائیجان کی سرکاری خبر رساں ایجنسی کے مطابق انہوں نے یہ بات اسلامی تعاون تنظیم کے رکن ممالک کی پارلیمانی یونین کے بیسویں اجلاس کی افتتاحی تقریب سے خطاب کرتے ہوئے کہی۔صاحبہ غفاروا کا کہنا تھا کہ پارلیمانی سفارت کاری، مکالمے اور تجربات کے تبادلے کے ذریعے رکن ممالک اپنے معاشروں کو درپیش چیلنجز سے نمٹنے اور عوام کی فلاح و بہبود میں بہتری لانے میں اہم کردار ادا کر سکتے ہیں۔انہوں نے کہا کہ اسلامی دنیا کو اب بھی غربت، سماجی اور معاشی ناہمواری، مسلح تنازعات، انسانی بحرانوں، دہشت گردی اور انتہا پسندی جیسے سنگین مسائل کا سامنا ہے، جو پائیدار ترقی کی کوششوں پر منفی اثرات مرتب کر رہے ہیں۔ان کے مطابق ان چیلنجز سے نمٹنے اور اپنی مکمل صلاحیتوں کو بروئے کار لانے کے لیے اسلامی دنیا کو امن، رواداری، ہم آہنگی اور انصاف جیسے اسلامی اقدار کی بنیاد پر اتحاد اور یکجہتی کو فروغ دینا ہوگا۔