او ایس سی ای پارلیمانی اسمبلی اجلاس

باکو( ترکیہ خبر) نیدرلینڈز کے شہر دی ہیگ میں منعقد ہونے والے او ایس سی ای پارلیمانی اسمبلی کے 33ویں سالانہ اجلاس کا سلسلہ جاری ہے، جس میں رکن ممالک کے نمائندے عالمی امن، تعاون اور بین الاقوامی قانون کی بالادستی جیسے اہم امور پر غور کر رہے ہیں۔اجلاس میں آذربائیجان کی قومی اسمبلی (ملی مجلس) کے وفد کے سربراہ قیا ممدوف نے خطاب کرتے ہوئے بین الاقوامی قانون کی خلاف ورزیوں اور اس کے غیر مؤثر نفاذ کی بنیادی وجوہات میں دہرا معیار اور منتخب طرزِ عمل کو قرار دیا۔ انہوں نے زور دیا کہ ریاستی خودمختاری اور مساوی حیثیت کو ہمیشہ اعلیٰ اور بنیادی اصولوں کے طور پر تسلیم اور تحفظ حاصل ہونا چاہیے۔انہوں نے کہا کہ موجودہ دور میں ڈیجیٹل ٹیکنالوجی اور مصنوعی ذہانت کے تیز رفتار فروغ کے باعث بین الاقوامی قانون کو ڈیجیٹل میدان میں بھی مؤثر طور پر لاگو کرنا اور ریاستوں کی ڈیجیٹل خودمختاری کا تحفظ ناگزیر ہو چکا ہے۔قیا ممدوف نے آذربائیجان کی پالیسیوں کا ذکر کرتے ہوئے کہا کہ ملک نے جدید ٹیکنالوجی کے استعمال میں سلامتی، ترقی اور انسانی حقوق کے درمیان متوازن حکمتِ عملی اپنائی ہے۔انہوں نے اجلاس کو آذربائیجان میں قائم ڈیجیٹل ڈویلپمنٹ کونسل کی سرگرمیوں سے بھی آگاہ کیا، جسے پہلی نائب صدر مہر بان علی یوا کی قیادت میں قائم کیا گیا ہے۔ یہ کونسل ڈیجیٹل شعبے میں ایک جامع حکمتِ عملی اور بین الاداراتی تعاون کے جدید ماڈل کے طور پر کام کر رہی ہے۔ انہوں نے اس شعبے میں بین الاقوامی تعاون کی اہمیت پر بھی زور دیا۔