نیویارک میں بڑے ڈیٹا سینٹرز کی تعمیر پر ایک سال تک پابندی

باکو( ویب ڈیسک)امریکا کی ریاست نیویارک نے بڑے پیمانے پر نئے ڈیٹا سینٹرز کی تعمیر روکنے والی ملک کی پہلی ریاست بننے کا اعزاز حاصل کرلیا ہے۔ریاستی گورنر نے ایک انتظامی حکم نامے پر دستخط کیے ہیں جس کے تحت بڑے ڈیٹا سینٹر منصوبوں کے اجازت ناموں کا اجرا ایک سال تک معطل کیا جا سکے گا۔یہ پابندی فوری طور پر نافذ ہوگئی ہے اور ان ڈیٹا سینٹرز پر لاگو ہوگی جن کی بجلی کی ضرورت کم از کم 50 میگاواٹ ہو۔ اتنی بجلی ہزاروں گھروں کی ضروریات پوری کرنے کے لیے کافی سمجھی جاتی ہے۔حکام کے مطابق اس وقفے کا مقصد تیزی سے پھیلتی ہوئی ڈیٹا سینٹر صنعت کے لیے نئے ضابطے تیار کرنا ہے، جس کی توسیع مصنوعی ذہانت (اے آئی) کی بڑھتی ہوئی طلب کے باعث تیز ہوئی ہے۔ڈیٹا سینٹرز کے ناقدین کا کہنا ہے کہ یہ مراکز بہت زیادہ بجلی استعمال کرتے ہیں، جس سے مقامی بجلی کے نظام پر دباؤ بڑھ سکتا ہے اور توانائی کے اخراجات میں اضافہ ہو سکتا ہے۔ناقدین کے مطابق ڈیٹا سینٹرز میں پانی کا استعمال بھی زیادہ ہوتا ہے، جبکہ شور اور محدود روزگار کے مواقع جیسے مسائل بھی مقامی آبادی کے لیے تشویش کا باعث ہیں۔