آزاد کرائے گئے علاقوں میں بڑی واپسی، 188 خاندان منتقل

باکو(تر کیہ خبر)صدر الہام علی یوف کی ہدایت پر آذربائیجان کے قبضے سے آزاد کرائے گئے علاقوں میں شہریوں کی بڑی واپسی کا سلسلہ جاری ہے۔22 ستمبر کو خانکندی شہر، خانکندی کے کرکجاہان قصبے، خوجالی ضلع کے تیزہ بینہ، خان یوردو، خان آباد اور بالی جاہ دیہات، اغدرہ ضلع کے ونگلی، چاپار اور اشاغی اوراتاغ دیہات جبکہ جبرائیل ضلع کے شکور بیگلی گاؤں میں مزید خاندان منتقل کیے گئے۔منتقل ہونے والے خاندان اس سے قبل ملک کے مختلف علاقوں، بالخصوص ہاسٹلوں، تفریحی مراکز اور انتظامی عمارتوں میں عارضی طور پر مقیم تھے۔اس مرحلے میں خانکندی شہر میں 3 خاندانوں کے 13 افراد، کرکجاہان میں 5 خاندانوں کے 22 افراد، تیزہ بینہ میں 7 خاندانوں کے 31 افراد، خان یوردو میں 5 خاندانوں کے 22 افراد، خان آباد میں 2 خاندانوں کے 10 افراد اور بالی جاہ میں ایک خاندان کے 4 افراد منتقل ہوئے۔اسی طرح اغدرہ کے ونگلی گاؤں میں 4 خاندانوں کے 14 افراد، چاپار میں 4 خاندانوں کے 11 افراد، اشاغی اوراتاغ میں 4 خاندانوں کے 9 افراد جبکہ جبرائیل کے شکور بیگلی گاؤں میں 24 خاندانوں کے 148 افراد کو منتقل کیا گیا۔