لیرک کا گلابین آبشار، قدرتی حسن کا شاہکار

باکو( تر کیہ خبر)آذربائیجان کے خبر رساں ادارے کی "اگر میں سیاح ہوتا" سیریز میں اس بار لیرک ضلع کے شاندار گلابین آبشار کا سفر شامل کیا گیا ہے۔لیرک ضلع ملکی اور غیر ملکی سیاحوں کے لیے مقبول ترین مقامات میں شمار ہوتا ہے۔ بحیرۂ کیسپین کے ساحلوں سے بلند پہاڑوں تک پھیلی یہ خوبصورت سرزمین جدید ہوٹلوں، مقامی دیہات میں رہائش کے ذریعے ماحولیاتی سیاحت، دلکش قدرتی مناظر، بلند چوٹیوں، گھنے جنگلات اور بے شمار قدرتی چشموں و آبشاروں کی وجہ سے منفرد مقام رکھتی ہے۔لیرک کا قدرتی حسن ہر موسم میں اپنی الگ کشش اور خوبصورتی کے باعث سیاحوں کو اپنی جانب متوجہ کرتا ہے۔اس بار سفر لیرک کے حسین قدرتی ماحول میں واقع زوواند (گلابین) آبشار تک کیا گیا، جو اپنی دلکشی اور خوبصورتی کے باعث خاص اہمیت رکھتا ہے۔آبشار تک پہنچنے کے لیے پہلے مرکزی سلک روڈ شاہراہ سے راستہ تبدیل کیا گیا اور تقریباً 15 کلومیٹر سفر کے بعد لیرک کے قریب پیران گاؤں پہنچا گیا۔پہاڑی علاقے کے دشوار گزار راستوں کے باعث وہاں سے سفر مزید جاری رکھنے کے لیے "نیوا" آف روڈ گاڑی کا استعمال کیا گیا۔