لینس نے 10 کھلاڑیوں کے ساتھ پی ایس جی کو شکست دے دی

باکو( سپورٹس ڈیسک) لینس نے پہلے ہاف میں دفاعی کھلاڑی کِلیان انتونیو کے ریڈ کارڈ کے باوجود شاندار مزاحمت کا مظاہرہ کرتے ہوئے فرانسیسی سپر کپ میں پیرس سینٹ جرمین کو ایک صفر سے شکست دے دی۔اسٹیڈ بولارٹ ڈیلیس میں کھیلے گئے مقابلے میں لینس کے کپتان فلوریاں توویں نے 32ویں منٹ میں غیر متوقع طور پر گول کرکے اپنی ٹیم کو برتری دلائی۔وقفے سے چھ منٹ قبل انتونیو کو میگنیس اکلیوش پر خطرناک انداز میں ٹیکل کرنے پر براہِ راست ریڈ کارڈ دکھا دیا گیا، جس کے بعد لینس نے 10 کھلاڑیوں کے ساتھ مقابلہ جاری رکھا۔یورپی چیمپئن پی ایس جی نے برابر کرنے کی بھرپور کوشش کی، تاہم فابیان روئز کا آخری لمحات میں کیا گیا گول آف سائیڈ قرار دے کر مسترد کردیا گیا۔میچ کے اختتام سے چار منٹ قبل پی ایس جی کے متبادل کھلاڑی نونو مینڈیز کو میخال اسکورس پر حملہ کرنے کے باعث ریڈ کارڈ دکھا دیا گیا۔یوں لینس نے گزشتہ سیزن میں پہلی مرتبہ فرانسیسی کپ جیتنے کے بعد ایک اور بڑا اعزاز اپنے نام کرلیا۔