لیٹویا کے صدر کا آذربائیجان میں قومی رہنما حیدر علییف کو خراج عقیدت

باکو( ترکیہ خبر) لیٹویا کے صدر ایڈگرز رنکیوِچز نے آذربائیجان کے دورے کے دوران قومی رہنما حیدر علییف کی یادگار پر حاضری دی اور ان کے مزار پر پھولوں کی چادر چڑھائی۔اے زیڈ ای آر ٹی اے سی کے مطابق صدر لیٹویا نے آذربائیجان کے بانی اور خود مختار ریاست کے معمار حیدر علییف کو خراج عقیدت پیش کیا۔انہوں نے معروف ماہر امراض چشم اور ماہر تعلیم زریفا علییوا کی قبر پر بھی پھول رکھے۔اس کے علاوہ صدر نے ممتاز سیاستدان عزیز علییف اور معروف معالج تیمورلان علییف کی قبروں پر بھی حاضری دی اور پھولوں کی عقیدت پیش کی۔