استنبول میں 2027 ہسپانوی سپر کپ کا اعلان

استنبول( سپورٹس ڈیسک) ترک فٹبال فیڈریشن نے تصدیق کی ہے کہ 2027 ہسپانوی سپر کپ 2 سے 7 فروری تک استنبول کے اتاترک اولمپک اسٹیڈیم میں کھیلا جائے گا۔چار ٹیموں پر مشتمل ٹورنامنٹ میں بارسلونا، ریال میڈرڈ، ریال سوسائیداد اور اٹلیٹیکو میڈرڈ حصہ لیں گی۔پہلے سیمی فائنل میں بارسلونا کا مقابلہ اٹلیٹیکو میڈرڈ سے ہوگا، جبکہ دوسرے سیمی فائنل میں ریال میڈرڈ اور ریال سوسائیداد آمنے سامنے ہوں گی۔ترک فٹبال فیڈریشن کے مطابق اسپین کے معروف فٹبال کلب 2 سے 7 فروری 2027 تک استنبول میں 2027 ہسپانوی سپر کپ کے لیے مقابلہ کریں گے۔فیڈریشن نے بڑے یورپی فٹبال مقابلوں کی میزبانی میں ترکیہ کے تجربے کو بھی اجاگر کیا، جن میں چیمپئنز لیگ کے فائنلز، 2009 کا یوئیفا کپ فائنل اور 2019 کا یوئیفا سپر کپ شامل ہیں۔ترکیہ 2027 یوئیفا کانفرنس لیگ کے فائنل کی میزبانی بھی کرے گا۔ترک فیڈریشن نے امید ظاہر کی کہ استنبول میں چار بڑے ہسپانوی کلبوں کی میزبانی سے ترکیہ اور اسپین کے فٹبال تعلقات مزید مضبوط ہوں گے اور عالمی کھیلوں کے مقابلوں کی میزبانی میں ترکیہ کی پوزیشن مستحکم ہوگی۔