آذربائیجان اور ایتھوپیا کا تعلقات مضبوط بنانے پر اتفاق

باکو ( تر کیہ خبر) ایتھوپیا کے سرکاری دورے کے دوران آذربائیجان کی ملی مجلس کی اسپیکر صہیبہ غفاروا نے 29 جولائی کو ایتھوپیا کے وزیراعظم ابی احمد علی سے ملاقات کی۔ملاقات میں آذربائیجان اور ایتھوپیا کے درمیان دوستانہ تعلقات کو مزید مستحکم بنانے اور باہمی مفاد پر مبنی تعاون بڑھانے کے امور پر تبادلہ خیال کیا گیا۔ایتھوپیا کے وزیراعظم نے کہا کہ گزشتہ برسوں میں آذربائیجان کی عالمی سطح پر اہمیت میں اضافہ ہوا ہے، جبکہ صدر الہام علیوف کی قیادت میں ملک کی ترقی کو عالمی برادری میں سراہا جا رہا ہے۔وزیراعظم ابی احمد علی نے آذربائیجان کے صدر سے اپنی سابقہ ملاقاتوں کو یاد کرتے ہوئے کہا کہ ان مذاکرات نے دونوں ممالک کے تعلقات کو فروغ دینے میں اہم کردار ادا کیا، جبکہ طے پانے والے معاہدوں نے باہمی روابط کو مزید مضبوط بنانے کے لیے بنیاد فراہم کی۔ایتھوپیا کے وزیراعظم نے آذربائیجان کے صدر الہام علیوف کے لیے نیک خواہشات اور خصوصی پیغام بھی پہنچایا۔