آذربائیجان، کرغز اور ازبکستان کی خاتونِ اول کا بچوں کے بحالی مرکز کا دورہ

باکو( تر کیہ خبر) آذربائیجان کی خاتونِ اول مہرِبان علی اَیوا نے کرغزستان کی خاتونِ اول ایگول ژاپارووا اور ازبکستان کی خاتونِ اول زِیروت خان میر ضیایوا کے ہمراہ چولپن اتا شہر میں قائم ’’الٹن بالالک‘‘ صحت و بحالی مرکز کا دورہ کیا۔’’الٹن بالالک‘‘ صحت و بحالی مرکز مئی 2022 سے فعال ہے، جہاں بچوں کو معیاری طبی سہولیات، بحالی کی خدمات اور صحت مند تفریحی سرگرمیوں کے مواقع فراہم کیے جا رہے ہیں۔مرکز میں 136 کمرے اور 800 بستروں کی سہولت موجود ہے، جہاں ہر سال موسمِ گرما کے دوران کرغزستان اور قریبی ممالک سے 8 ہزار سے 8 ہزار 500 بچوں کو خدمات فراہم کی جاتی ہیں۔یہ ادارہ ستمبر سے جون تک خصوصی طور پر معذور بچوں کی بحالی کے پروگرامز کے لیے مختص رہتا ہے، جہاں انہیں طبی نگہداشت اور بہتر زندگی گزارنے کے لیے ضروری سہولیات فراہم کی جاتی ہیں۔