کیچک قالہ دراسی میں پہلی آبادکاری، 15 خاندان اپنے گھروں میں منتقل

شوشا( ترکیہ خبر) آذربائیجان کے صدر الہام علییف کی ہدایت پر آزاد کرائے گئے علاقوں میں بڑی واپسی پروگرام کے تحت آبادکاری کا سلسلہ جاری ہے، جس کے تحت شوشا ضلع کے گاؤں کیچک قالہ دراسی میں پہلی مرتبہ خاندانوں کو منتقل کر دیا گیا۔سرکاری خبر رساں ادارے کے مطابق ابتدائی مرحلے میں 51 افراد پر مشتمل 15 خاندانوں کو گاؤں میں آباد کیا گیا۔ یہ خاندان اس سے قبل ملک کے مختلف علاقوں میں عارضی طور پر ہاسٹلوں، سینیٹوریمز اور سرکاری عمارتوں میں مقیم تھے۔گاؤں پہنچنے پر خاندانوں کو ان کے نئے گھروں کی چابیاں حوالے کی گئیں۔ اس موقع پر شوشا میں آذربائیجان کے صدر کے خصوصی نمائندہ دفتر اور ریاستی کمیٹی برائے مہاجرین و بے گھر افراد کے حکام بھی موجود تھے۔تقریب سے خطاب کرتے ہوئے حکام نے نئے رہائشیوں کو مبارک باد دی اور بتایا کہ گاؤں میں بنیادی ڈھانچہ مکمل کر دیا گیا ہے، جبکہ مستقل آبادکاری کے لیے تمام ضروری سہولیات فراہم کر دی گئی ہیں۔اپنے آبائی علاقے واپس آنے والے خاندانوں نے خوشی کا اظہار کرتے ہوئے گھروں کی چابیاں وصول کیں اور اپنی نئی رہائش گاہوں میں منتقل ہو گئے۔