فیدان کی مصری اور سعودی وزرائے خارجہ سے گفتگو، غزہ امن منصوبے پر تبادلہ خیال
استنبول( تر کیہ خبر) ترکیہ کے وزیر خارجہ حاقان فیدان نے مصر کے وزیر خارجہ بدر عبدالعاطی اور سعودی وزیر خارجہ فیصل بن فرحان سے الگ الگ ٹیلی فونک رابطے کیے، جن میں خطے کی تازہ صورتحال پر گفتگو ہوئی۔حاقان فیدان کے مطابق بات چیت میں غزہ امن منصوبے پر عملدرآمد میں درپیش رکاوٹوں اور آئندہ اقدامات کا جائزہ لیا گیا، جبکہ شام کی تازہ صورتحال بھی زیرِ بحث آئی۔تینوں ممالک نے فلسطین میں امن و استحکام کے قیام کی کوششوں کے لیے اپنی مضبوط حمایت کا اعادہ کیا۔ مذاکرات میں آبنائے ہرمز کی صورتحال اور متعلقہ ممالک کے درمیان جاری مذاکرات پر بھی تبادلہ خیال کیا گیا۔فیدان نے کہا کہ خطے میں امن و خوشحالی کے خواہاں تین برادر ممالک کی حیثیت سے ترکیہ، مصر اور سعودی عرب تمام شعبوں میں تعاون اور رابطہ مزید مضبوط بناتے رہیں گے۔