امریکا میں آذربائیجان، امریکی جامعات کے علمی تعاون پر کانفرنس

باکو( تر کیہ خبر)امریکا کے دارالحکومت واشنگٹن میں جارج واشنگٹن یونیورسٹی میں سرحدوں سے ماورا علمی روابط، تحقیق اور بین الاقوامی تعلیمی تعاون کے موضوع پر کانفرنس منعقد ہوئی۔کانفرنس کا اہتمام امریکا، آذربائیجان علمی نیٹ ورک نے کیا۔ آذربائیجان کی ریاستی کمیٹی برائے امورِ تارکینِ وطن کے چیئرمین فواد مرادوف نے بیرونِ ملک آذربائیجانی شہریوں سے روابط مضبوط بنانے، زبان و قومی شناخت کے تحفظ اور نوجوانوں و تارکینِ وطن کے منصوبوں کی حمایت پر زور دیا۔انہوں نے آذربائیجان کے بارے میں درست اور غیر جانب دار معلومات کے فروغ میں ماہرینِ تعلیم کے کردار کو اہم قرار دیتے ہوئے جارج واشنگٹن یونیورسٹی اور آذربائیجانی جامعات کے درمیان تعاون کو سراہا۔کانفرنس میں امریکا اور آذربائیجان کے درمیان علمی و سائنسی تعاون بڑھانے، جامعات کے طویل مدتی روابط، مشترکہ تعلیمی و تحقیقی پروگراموں، انسانی سرمائے میں سرمایہ کاری اور علمی تجربات کے تبادلے پر بھی گفتگو کی گئی۔