ماضی کی متنازع ویڈیوز سامنے،لَو آئی لینڈ یو ایس اے میں تنازع

 انقرہ( شوبز ڈیسک)پیکاک کے ریئلٹی شو لَو آئی لینڈ یو ایس اے میں ”کاسا امور“ مرحلے کے آغاز کے فوراً بعد تنازع کھڑا ہو گیا ہے، جب ایک نئی شریکِ مقابلہ کے ماضی سے متعلق مبینہ متنازع مواد سامنے آیا۔21 سالہ الانا کیزر نے فلوریڈا کے شہر میامی سے شو میں بطور نئے ”سرپرائز“ مقابلہ کنندہ انٹری دی تھی، تاہم اس کے بعد سوشل میڈیا پر اس کے ماضی کی کچھ مبینہ ویڈیوز اور پوسٹس وائرل ہو گئیں۔رپورٹس کے مطابق صارفین نے سوشل میڈیا پلیٹ فارم ایکس پر اس سے منسوب پرانی پوسٹس اور ویڈیو کلپس شیئر کیے، جن کے باعث شو میں اس کی شمولیت پر شدید ردعمل سامنے آیا ہے۔تنازع سامنے آنے کے بعد ناظرین اور سوشل میڈیا صارفین کی جانب سے مختلف آرا کا اظہار کیا جا رہا ہے، جبکہ معاملہ تیزی سے بحث کا موضوع بن گیا ہے۔