باکو( ترکیہ خبر)آذربائیجان کے دارالحکومت میں کلاسک اور سپر کارز فیسٹیول کا آغاز ہو گیا ہے، جو دو روز تک جاری رہے گا۔آذربائیجان کی سرکاری خبر رساں ایجنسی کے مطابق یہ فیسٹیول آذربائیجان آٹوموبائل فیڈریشن اور نذر ہولڈنگز کے اشتراک سے باکو کے سی سائڈ نیشنل پارک کے علاقے میں منعقد کیا جا رہا ہے۔فیسٹیول کے دوران مختلف کلاسک کاریں، سپر کارز اور اسپورٹس گاڑیاں نمائش کے لیے پیش کی جا رہی ہیں، جنہیں بڑی تعداد میں شائقین دیکھ رہے ہیں۔منتظمین کے مطابق نمائش میں 1986ء تک تیار کی گئی کلاسک گاڑیاں شامل ہیں، جو آٹو موبائل انڈسٹری کی تاریخ اور ترقی کے مختلف مراحل کی نمائندگی کرتی ہیں۔یہ کلاسک گاڑیاں اپنی منفرد ڈیزائننگ، تاریخی اہمیت اور انجینئرنگ کے شاندار نمونوں کی وجہ سے خاص پہچان رکھتی ہیں، اور انہیں دنیا بھر میں گاڑیوں کے شوقین افراد اور کلیکٹرز کی جانب سے بڑی قدر کی نگاہ سے دیکھا جاتا ہے۔فیسٹیول میں نہ صرف قدیم گاڑیاں بلکہ جدید ٹیکنالوجی اور طاقتور انجنوں سے لیس سپر کارز اور اسپورٹس کارز بھی نمائش کا حصہ ہیں۔اس طرح زائرین کو ایک ہی مقام پر جدید رفتار اور ٹیکنالوجی کی علامت گاڑیوں کے ساتھ ساتھ ماضی کی خوبصورت اور تاریخی کلاسک گاڑیوں کو دیکھنے کا موقع مل رہا ہے، جو آٹوموبائل صنعت کی ترقی اور مختلف ادوار کی جھلک پیش کرتی ہیں۔فیسٹیول صبح 11 بجے شروع ہوا تھا اور پہلے روز شام 6 بجے تک جاری رہے گا، جبکہ اگلے روز یہ دوپہر 4 بجے تک منعقد ہوگا۔
