آذربائیجان میں یومِ سرکاری ملازمین آج منایا جا رہا ہے

باکو( ترکیہ خبر)آج آذربائیجان میں سرکاری ملازمین کا پیشہ ورانہ دن منایا جا رہا ہے، جو ریاستی اداروں کے کردار اور ملک کی ترقی میں ان کی خدمات کو اجاگر کرنے کے لیے مخصوص ہے۔خبر رساں ادارے کے مطابق جدید آزاد آذربائیجان کی مضبوطی اور خطے و عالمی سطح پر اہم منصوبوں کی کامیابی کا انحصار مؤثر انتظامی اداروں اور قابل سرکاری ملازمین کی پیشہ ورانہ مہارت پر ہے۔یہ دن 2006 میں صدر الہام علییف کے حکم کے تحت قائم کیا گیا تھا، جبکہ اقوام متحدہ کی جنرل اسمبلی نے 23 جون کو سرکاری ملازمین کا عالمی دن قرار دیا تھا۔ اسی مناسبت سے آذربائیجان نے اس تاریخ کو اپنے قومی کیلنڈر میں شامل کیا۔اس دن کو ریاستی خدمات اور گورننس کے نظام میں سرکاری ملازمین کے کردار کی اہمیت کو تسلیم کرنے کی علامت کے طور پر دیکھا جاتا ہے۔