چینی کمیونسٹ پارٹی کے وفد کا آذربائیجان کا دورہ

باکو( تر کیہ خبر) پارٹی (وائی اے پی) کی دعوت پر چینی کمیونسٹ پارٹی (سی سی پی) کا ایک وفد آذربائیجان پہنچ گیا۔چینی وفد نے سب سے پہلے اعزازات کی گلی کا دورہ کیا، جہاں جدید آزاد آذربائیجان کے بانی اور قومی رہنما حیدر علی یف کی قبر پر پھولوں کی چادر چڑھائی اور خراج عقیدت پیش کیا۔وفد نے معروف ماہر امراض چشم اور ماہر تعلیم ظریفہ علی یوا کی قبر پر بھی پھول نچھاور کیے۔بعد ازاں چینی وفد نے باکو میں شہداء کی گلی کا دورہ کیا، جہاں آذربائیجان کی آزادی اور علاقائی سالمیت کے لیے جان قربان کرنے والے قومی ہیروز کو خراج عقیدت پیش کیا اور ان کی قبروں پر پھول رکھے۔چینی کمیونسٹ پارٹی کے وفد نے ابدی شعلہ یادگار پر بھی پھولوں کی چادر چڑھائی۔بعد میں وفد نے نیو آذربائیجان پارٹی کی یاسمال علاقائی شاخ کی یوتھ یونین کے نمائندوں سے ملاقات کی۔ملاقات میں یاسمال ضلعی شاخ کے چیئرمین بختیار نبی یف، وائی اے پی انسپیکشن کمیشن کے رکن اور رکن پارلیمنٹ ووگار اسکندروف، وائی اے پی یوتھ یونین کے چیئرمین بختیار اسلاموف اور چینی کمیونسٹ پارٹی کی مرکزی کمیٹی کے بین الاقوامی شعبے کے معلوماتی تحقیقاتی مرکز کے نائب ڈائریکٹر جنرل کانگ شوائی سمیت دیگر شخصیات نے خطاب کیا۔مقررین نے اس بات پر زور دیا کہ آذربائیجان کے صدر الہام علی یف اور عوامی جمہوریہ چین کے صدر شی جن پنگ کی سیاسی بصیرت اور تعاون کے باعث دونوں ممالک کے درمیان جامع اسٹریٹجک شراکت داری کے تعلقات کامیابی سے فروغ پا رہے ہیں۔