باکو کلائمیٹ ایکشن ویک 2026 کا آغاز ہوگیا

باکو( تر کیہ خبر) آذربائیجان کے دارالحکومت باکو میں باکو کلائمیٹ ایکشن ویک 2026 کا آغاز ہوگیا۔تقریب کی افتتاحی تقریب میں آذربائیجان اور ترکیہ کے ماحولیاتی حکام، کوپ 30 اور کوپ 31 کی صدارت کے نمائندگان، عالمی اداروں کے عہدیداران اور اعلیٰ سطحی ماحولیاتی ماہرین شریک ہیں۔افتتاحی تقریب سے کوپ 29 کے صدر اور صدرِ آذربائیجان کے ماحولیاتی امور کے نمائندے مختار بابایف، وزیر توانائی پرویز شہبازوف، نائب وزیر خارجہ یلچن رفیئیف، کوپ 30 کی ایگزیکٹو ڈائریکٹر انا ٹونی، کوپ 31 کی چیف ایگزیکٹو فاطمہ وارانک، کوپ 31 کے اعلیٰ سطحی ماحولیاتی نمائندے سمید آغیر باش، عالمی قابلِ تجدید توانائی ایجنسی کے ڈائریکٹر جنرل فرانسسکو لا کیمرا اور دیگر شخصیات خطاب کریں گی۔تقریب کے دوران باکو کلائمیٹ ایکشن ویک 2026 کے حوالے سے ویڈیو بھی پیش کی گئی۔ اقوام متحدہ کے ماحولیاتی تبدیلی کے فریم ورک کنونشن کے ایگزیکٹو سیکرٹری سائمن اسٹیل بھی شرکا سے ویڈیو خطاب کریں گے۔باکو کلائمیٹ ایکشن ویک 2026 ماحولیاتی تبدیلی، توانائی کی منتقلی، قابلِ تجدید توانائی، پائیدار ترقی اور موسمیاتی اقدامات کو تیز کرنے سے متعلق مباحث کے لیے ایک عالمی پلیٹ فارم کے طور پر کام کرے گا۔