آذربائیجان، ایسواتینی تعلقات مضبوط بنانے کے عزم کا اظہار

باکو( تر کیہ خبر) آذربائیجان کے صدر الہام علییف نے کہا ہے کہ آذربائیجان اور ایسواتینی کے درمیان تعلقات کے فروغ کے لیے اس وقت سازگار حالات موجود ہیں۔صدر الہام علییف نے یہ بات مملکت ایسواتینی کے بادشاہ مسواتی سوم کو قومی دن اور یوم آزادی کے موقع پر مبارکباد کے خط میں کہی۔انہوں نے کہا کہ رواں سال مئی میں بادشاہ مسواتی سوم کا عالمی شہری فورم 13 میں شرکت کے لیے باکو کا دورہ آذربائیجان اور ایسواتینی کے تعلقات کی تاریخ میں خصوصی اہمیت رکھتا ہے۔آذربائیجان کے صدر نے اپنے خط میں اس امید کا اظہار کیا کہ دونوں ممالک کے عوام کے مفاد میں دوستانہ تعلقات کو مزید مستحکم کرنے کے لیے مشترکہ کوششیں جاری رکھی جائیں گی اور باہمی تعاون کی موجود صلاحیتوں سے بھرپور فائدہ اٹھایا جائے گا۔