کوپ 31 ماحولیاتی کانفرنس میں آذربائیجانی نوجوان رضاکاروں کی نمایاں شرکت

انطالیہ (تر کیہ خبر) ترکیہ کے شہر انطالیہ میں اقوام متحدہ کی موسمیاتی تبدیلی سے متعلق عالمی کانفرنس کے 31ویں اجلاس (کوپ 31) میں نوجوان رضاکاروں کی سرگرمیاں خصوصی توجہ کا مرکز بنی ہوئی ہیں۔ باکو میں کامیابی سے منعقد ہونے والی کوپ 29 کی بہترین انتظامی روایات اور تجربات کو آگے بڑھاتے ہوئے آذربائیجان کے نوجوان رضاکار بھی عالمی ماحولیاتی تحریک میں نمایاں کردار ادا کر رہے ہیں۔کانفرنس میں رضاکاروں کی شمولیت کے لیے انتخاب کا عمل انتہائی سخت اور مسابقتی مراحل پر مشتمل تھا۔ اقوام متحدہ کے زیر اہتمام یہ سلسلہ مئی میں شروع ہوا اور اکتوبر تک جاری رہا۔ عالمی سطح پر متعدد انٹرویوز اور 60 سے زائد خصوصی تربیتی نشستیں کامیابی سے مکمل کرنے کے بعد تقریباً 5 ہزار نوجوانوں کو کوپ 31 میں خدمات انجام دینے کے لیے منتخب کیا گیا، جن میں اعلیٰ تربیت یافتہ آذربائیجانی نوجوان بھی شامل ہیں۔آذربائیجان کی خبر رساں ایجنسی کے مطابق منتخب رضاکاروں میں باکو میں انگریزی زبان کی معلمہ آئیدہ زاہدزادہ بھی شامل ہیں۔ انہوں نے انتخابی مراحل کی سختی اور اس ذمہ داری کی اہمیت بیان کرتے ہوئے کہا کہ کوپ کا پلیٹ فارم غیر معمولی اہمیت رکھتا ہے، کیونکہ یہ موسمیاتی ناانصافی کے خلاف عالمی جدوجہد کا ایک اہم میدان ہے۔ان کا کہنا تھا کہ اقوام متحدہ کی جانب سے مئی میں شروع کیے گئے انتخابی عمل میں انٹرویوز اور 60 تربیتی نشستیں شامل تھیں، جو انتہائی جامع اور مشکل مراحل پر مشتمل تھیں۔ رضاکاروں کو اپنے انتخاب کے نتائج اکتوبر میں موصول ہوئے۔