آذربائیجانی پہلوانوں کا عالمی جونیئر چیمپئن شپ میں شاندار آغاز

براتسلاوا( سپورٹس ڈیسک) سلوواکیہ میں جاری انڈر 20 عالمی ریسلنگ چیمپئن شپ میں آذربائیجان کے پہلوانوں نے گریکو رومن ریسلنگ میں شاندار کارکردگی کا مظاہرہ کرتے ہوئے 2 تمغے جیت لیے۔63 کلوگرام کیٹیگری میں تورال احمدوف نے پہلے 8-0 کی فیصلہ کن کامیابی حاصل کی، جس کے بعد ایکواڈور کے کلسمن ویلز کو 2-1 سے شکست دے کر کانسی کا تمغہ اپنے نام کیا۔77 کلوگرام کیٹیگری میں جاویدان نہمتوف نے شاندار کھیل پیش کرتے ہوئے چاندی کا تمغہ حاصل کیا۔ فائنل میں ان کا مقابلہ آرمینیا کے سموِل ترتیریان سے ہوا، جو مقررہ وقت تک 1-1 سے برابر رہا اور پہلے پوائنٹ حاصل کرنے کے اصول کے تحت آرمینیائی پہلوان کو کامیاب قرار دیا گیا۔