آذربائیجانی پارلیمانی وفد کی دی ہیگ کے میئر سے ملاقات

 باکو( ترکیہ خبر) نیدرلینڈز میں آذربائیجان کے سفیر مامد احمد زادہ نے بتایا ہے کہ آذربائیجان کے پارلیمانی وفد نے دی ہیگ کے میئر جان وان زینن سے ملاقات کی۔سفیر نے سماجی رابطے کی ویب سائٹ پر جاری بیان میں کہا کہ دی ہیگ کے میئر سے ملاقات ہمیشہ خوشی کا باعث ہوتی ہے۔ انہوں نے آذربائیجانی پارلیمانی وفد کے لیے دی ہیگ سٹی ہال میں منعقدہ استقبالیہ تقریب کے دوران پرتپاک استقبال پر میئر جان وان زینن کا شکریہ ادا کیا۔یہ استقبالیہ یورپ میں سلامتی اور تعاون کی تنظیم کی پارلیمانی اسمبلی کے سالانہ اجلاس کے موقع پر دیا گیا تھا۔آذربائیجان کے اراکین پارلیمنٹ گایا مامدوف، ازے گلیئیف، سیونج فتحالیئیفا اور تورال گنجایف نے یورپ میں سلامتی اور تعاون کی تنظیم کی پارلیمانی اسمبلی کے سالانہ اجلاس میں شرکت کی۔