یوکرین میں حملے کا نشانہ بننے والے آذربائیجانی شہری وطن واپس روانہ

باکو( ترکیہ خبر) آذربائیجان کی وزارت خارجہ کے مطابق 14 جولائی کو یوکرین کے شہر اوڈیسا کے ساحل کے قریب حملے کا نشانہ بننے والے تجارتی بحری جہاز "اٹلس بے" کے عملے میں شامل 10 آذربائیجانی شہریوں کو وطن واپس روانہ کر دیا گیا ہے۔وزارت خارجہ کے بیان کے مطابق مذکورہ شہری مالدووا کے راستے ترکیہ پہنچے، جہاں سے انہیں آذربائیجان منتقل کیا گیا۔بیان میں کہا گیا ہے کہ آذربائیجان کا سفارتخانہ متعلقہ یوکرینی اداروں کے تعاون سے جہاز کے کپتان کی تلاش اور دیگر ضروری اقدامات کے لیے کام کر رہا ہے۔حکام کے مطابق صورتحال کی نگرانی جاری ہے اور متاثرہ عملے کے افراد کی بحفاظت واپسی کے لیے تمام ممکنہ اقدامات کیے جا رہے ہیں۔