آذربائیجان، تاجکستان دوستی کے رشتے مزید مضبوط ہو رہے ہیں: الہام علی یف

باکو( تر کیہ خبر) آذربائیجان کے صدر الہام علی یف نے کہا ہے کہ مشترکہ مذہبی، ثقافتی اور تاریخی روابط پر قائم آذربائیجان اور تاجکستان کے درمیان دوستی اور برادرانہ تعلقات روز بروز مزید مضبوط اور نئے رنگ اختیار کر رہے ہیں۔صدر الہام علی یف نے یہ بات تاجکستان کی ریاستی آزادی کی 35ویں سالگرہ کے موقع پر تاجک صدر امام علی رحمان کے نام اپنے تہنیتی خط میں کہی۔انہوں نے کہا کہ اعلیٰ سطح پر فعال روابط، باقاعدہ ملاقاتیں اور قریبی تعاون دونوں ممالک کے تعلقات کو مزید تیز رفتاری سے فروغ دینے اور گہرا کرنے میں اہم کردار ادا کررہے ہیں۔آذربائیجان کے صدر نے اعتماد کا اظہار کیا کہ باہمی اعتماد اور حمایت کی بنیاد پر قائم دونوں ممالک کی تزویراتی شراکت داری اور باہمی تعلقات آئندہ بھی ترقی کی سمت گامزن رہیں گے اور مشترکہ کوششوں سے مزید مضبوط ہوں گے۔