آذربائیجان کے صدر الہام علیوف اور خاتون اول مہربان علیوا کی اہم شخصیات سے ملاقاتیں

بشکیک( تر کیہ خبر) آذربائیجان کے صدر الہام علیوف اور خاتون اول مہربان علیوا نے کرغزستان کے دارالحکومت بشکیک میں چھٹے عالمی خانہ بدوش کھیلوں کی افتتاحی تقریب میں شرکت کی۔عالمی خانہ بدوش کھیلوں کا بنیادی مقصد صدیوں سے مختلف اقوام کو جوڑنے والی دوستی، اتحاد اور باہمی احترام جیسی اقدار کو فروغ دینا ہے۔ یہ عالمی سطح کا اہم پلیٹ فارم ہے جہاں خانہ بدوش تہذیب کے ورثے، ثقافت، قدیم روایات اور قومی اقدار کو اجاگر کرنے، محفوظ رکھنے اور نئی نسلوں تک منتقل کرنے کا موقع ملتا ہے۔کھیلوں میں مختلف ممالک کے نمائندے شریک ہیں، جہاں خانہ بدوش اقوام کی قدیم روایات سے وابستہ کھیلوں کے مقابلے منعقد ہوں گے۔ ان میں گھڑ سواری، کشتی، تیر اندازی اور دیگر روایتی کھیل شامل ہیں۔6 ستمبر تک جاری رہنے والے ان عالمی کھیلوں کے دوران شریک ممالک کا ثقافتی ورثہ اور قومی روایات بھی پیش کی جائیں گی۔