آذربائیجان کا نیپال چین سرحدی سیلاب پر اظہار افسوس

باکو( تر کیہ خبر)آذربائیجان کی وزارت خارجہ نے نیپال اور چین کے سرحدی علاقے میں تباہ کن سیلاب اور لینڈ سلائیڈنگ کے باعث ہونے والی ہلاکتوں اور بڑے پیمانے پر تباہی پر گہرے افسوس کا اظہار کیا ہے۔آذربائیجان کی وزارت خارجہ نے کہا کہ نیپال چین سرحدی خطے میں شدید سیلاب اور مٹی کے تودے گرنے کے واقعے پر گہرا دکھ ہے، جس کے نتیجے میں قیمتی جانیں ضائع اور بڑے پیمانے پر نقصان ہوا۔وزارت نے جاں بحق افراد کے اہل خانہ اور عزیزوں سے دلی تعزیت کرتے ہوئے زخمیوں کی جلد صحتیابی کے لیے نیک خواہشات کا اظہار کیا۔آذربائیجان کی وزارت خارجہ نے امید ظاہر کی کہ لاپتا افراد کی تلاش اور امدادی کارروائیوں کے نتیجے میں انہیں بحفاظت تلاش کرلیا جائے گا۔