آذربائیجان میں سرکاری ضرورت کیلئے زمین کے حصول سے متعلق ترامیم زیرِ بحث

باکو( تر کیہ خبر) آذربائیجان کی پارلیمنٹ کے 18 ستمبر کو ہونے والے اجلاس میں سول کوڈ اور ’’ریاستی ضروریات کیلئے زمین کے حصول سے متعلق‘‘ قانون میں مجوزہ ترامیم پر غور کیا گیا۔آذرتاج کے مطابق مجوزہ تبدیلیوں کے تحت قومی اہمیت کی سڑکوں اور سرنگوں، جن میں میٹرو سرنگیں بھی شامل ہیں، مرکزی تیل و گیس پائپ لائنوں، ہائی وولٹیج بجلی کے نیٹ ورک، نکاسیٔ آب اور دیگر آبی انجینئرنگ تنصیبات کی تعمیر و تنصیب کیلئے زمین کے حصول سے متعلق امور شامل ہیں۔مجوزہ ترامیم میں ریلوے، میٹرو اور ٹرام لائنوں کی تعمیر و تنصیب، سمندری و ہوائی بندرگاہوں اور ہوائی اڈوں سمیت ریلوے سے متعلق بنیادی ڈھانچے کے منصوبوں کیلئے بھی زمین کے حصول کی شقیں شامل کی گئی ہیں۔