آذربائیجان اور ازبکستان کے صدور کا دوطرفہ تعلقات پر تبادلہ خیال

باکو( تر کیہ خبر) آذربائیجان کے صدر الہام علییف نے 24 جولائی کو ازبکستان کے صدر شوکت مرزیویوف سے ٹیلی فون پر رابطہ کیا۔صدر الہام علییف نے شوکت مرزیویوف کو سالگرہ کے موقع پر دلی مبارکباد پیش کی اور ان کے لیے اچھی صحت، طویل عمر اور ازبکستان کے برادر عوام کی خوشحالی و ترقی کے لیے اعلیٰ عہدے پر مسلسل کامیابیوں کی دعا کی۔ازبک صدر شوکت مرزیویوف نے گرمجوش مبارکباد اور نیک خواہشات پر صدر الہام علییف کا شکریہ ادا کیا اور اس موقع پر آذربائیجان کے عوام کے لیے امن اور خوشحالی کی خواہش کا اظہار کیا۔ٹیلی فونک گفتگو کے دوران دونوں رہنماؤں نے آذربائیجان اور ازبکستان کے درمیان قائم اسٹریٹجک شراکت داری کی اہمیت پر زور دیا اور مختلف شعبوں میں دوطرفہ تعلقات کی کامیاب پیش رفت کو سراہا۔دونوں صدور نے مستقبل میں بھی رابطے برقرار رکھنے پر اتفاق کیا اور باہمی دلچسپی کے امور سمیت دوطرفہ تعلقات کے مزید فروغ کے امکانات پر تبادلہ خیال کیا۔