آذربائیجان اور ترکمانستان کے درمیان پارلیمانی تعاون کے فروغ پر اتفاق

باکو( ترکیہ خبر) ازبکستان کے شہر بخارا میں منعقدہ دوسری ایشیائی خواتین فورم کے موقع پر آذربائیجان کی قومی اسمبلی کی اسپیکر صاحبہ غفاروا اور ترکمانستان کی پارلیمان کی اسپیکر دنیاگوزل قُلمانوا کے درمیان ملاقات ہوئی۔ملاقات میں دونوں رہنماؤں نے آذربائیجان اور ترکمانستان کے درمیان دوستی اور برادرانہ تعلقات کے مختلف شعبوں میں مثبت پیش رفت پر اطمینان کا اظہار کیا۔فریقین نے اس بات پر اتفاق کیا کہ دونوں ممالک کے صدور کے درمیان اعلیٰ سطح سیاسی رابطے دوطرفہ تعلقات کو مزید مضبوط بنانے میں اہم کردار ادا کر رہے ہیں۔گفتگو کے دوران ایشیائی خواتین فورم کی اہمیت پر بھی زور دیا گیا اور کہا گیا کہ یہ فورم خواتین کی سیاسی و سماجی شرکت بڑھانے اور مختلف ممالک کی خواتین اراکینِ پارلیمان کے درمیان تعاون کو فروغ دینے میں اہم کردار ادا کر رہا ہے۔پارلیمانی تعلقات پر بات کرتے ہوئے دونوں رہنماؤں نے کہا کہ پارلیمانوں کے درمیان دوستی کے گروپس فعال ہیں اور مختلف بین الاقوامی پارلیمانی تنظیموں میں بھی تعاون جاری ہے۔ملاقات میں علاقائی و بین الاقوامی سطح پر تعاون کے فروغ اور پارلیمانی روابط کو مزید وسعت دینے سمیت دیگر باہمی دلچسپی کے امور پر تبادلہ خیال کیا گیا۔