آذربائیجان اور بی پی کے درمیان توانائی تعاون کے مزید فروغ پر اتفاق

باکو( ترکیہ خبر) علی اسدوف نے نئی چیف ایگزیکٹو آفیسر میگ او نیل کی قیادت میں آنے والے وفد سے ملاقات کی، جس میں توانائی کے شعبے میں جاری تعاون اور مستقبل کے منصوبوں پر تبادلہ خیال کیا گیا۔آذربائیجان کی سرکاری خبر رساں ایجنسی آذرتاج کے مطابق ملاقات کے دوران دونوں فریقین نے تسلیم کیا کہ بی پی اور آذربائیجان کے درمیان دیرینہ اور مؤثر شراکت داری کامیابی سے آگے بڑھ رہی ہے۔مذاکرات میں اس امید کا اظہار کیا گیا کہ میگ او نیل کی قیادت میں باہمی فائدے پر مبنی تعاون مزید وسعت اختیار کرے گا اور نئے منصوبوں کے ذریعے مزید مضبوط ہوگا۔اجلاس میں اس بات پر بھی زور دیا گیا کہ آذربائیجان کے توانائی شعبے کی ترقی میں بی پی کے منصوبوں کا اہم کردار رہا ہے، جبکہ مستقبل میں تعاون کے مزید امکانات پر بھی تفصیلی تبادلہ خیال کیا گیا۔