8 اگست، جنوبی قفقاز کی تاریخ میں اہم موڑ قرار

باکو( تر کیہ خبر) گزشتہ برس 8 اگست کو جنوبی قفقاز کی جغرافیائی و سیاسی تاریخ میں ایک نئے دور کے آغاز کے طور پر یاد کیا گیا۔ اس روز آذربائیجان کے صدر الہام علییف کا امریکا کا تاریخی دورہ، واشنگٹن میں آذربائیجان اور آرمینیا کے درمیان امن عمل کے اہم نتائج کو باضابطہ شکل دینا اور امریکی صدر ڈونلڈ ٹرمپ کی شرکت سے ہونے والے معاہدوں نے خطے میں کئی دہائیوں سے جاری کشیدگی کے خاتمے کی جانب فیصلہ کن پیش رفت کی۔صدر الہام علییف کے دورہ امریکا کو آذربائیجان اور امریکا کے تعلقات میں بھی نئے مرحلے کی بنیاد قرار دیا گیا۔ یہ پیش رفت کئی برس سے جاری سفارتی حکمت عملی اور آذربائیجان کی جانب سے خطے میں پیدا ہونے والی نئی صورتحال کو امن کے ایجنڈے میں تبدیل کرنے کی کوششوں کا نتیجہ قرار دی گئی۔صدر الہام علییف نے 8 اگست کو دونوں ممالک کے باہمی تعلقات کے لیے ’’تاریخی دن‘‘ قرار دیتے ہوئے کہا تھا کہ اس روز ہونے والی پیش رفت کے پورے خطے پر انتہائی مثبت اثرات مرتب ہوں گے۔