ایپل کا اوپن اے آئی پر خفیہ ٹیکنالوجی چوری کا الزام

 باکو( ویب ڈیسک) ایپل نے اوپن اے آئی کے خلاف قانونی جنگ شروع کردی ہے، جس میں الزام عائد کیا گیا ہے کہ مصنوعی ذہانت کی کمپنی نے خفیہ ہارڈویئر ٹیکنالوجی کا غلط استعمال کیا۔آئی فون بنانے والی کمپنی کا مؤقف ہے کہ چیٹ جی پی ٹی تیار کرنے والی اوپن اے آئی نے صارفین کے لیے ہارڈویئر مصنوعات بنانے کے منصوبوں کو آگے بڑھانے کے لیے ایپل کے اہم انجینئرز کو بھرتی کیا اور کمپنی کی خصوصی ڈیزائن معلومات تک رسائی حاصل کی۔یہ مقدمہ آئی او پراڈکٹس نامی مصنوعی ذہانت کی ہارڈویئر کمپنی سے متعلق ہے، جسے ایپل کے سابق معروف ڈیزائنر جونی آئیو نے قائم کیا تھا اور بعد میں اوپن اے آئی نے اسے خرید لیا۔ اس معاملے میں ایپل کے سابق عہدیدار تانگ تان اور انجینئر چانگ لیو بھی شامل ہیں۔یہ کیس ٹیکنالوجی کی دنیا میں دانشورانہ املاک کے حوالے سے سامنے آنے والے سب سے نمایاں تنازعات میں شمار کیا جا رہا ہے۔