الہام علیوف، اردوان کا پاک خطے میں امن کیلئے تعاون بڑھانے پر اتفاق

بشکیک( تر کیہ خبر)آذربائیجان کے صدر الہام علیوف نے کرغزستان کے دارالحکومت بشکیک میں ترکیہ کے صدر رجب طیب اردوان سے ملاقات کی، جس میں دوطرفہ تعلقات اور علاقائی صورتحال پر تبادلہ خیال کیا گیا۔ملاقات کے دوران دونوں سربراہانِ مملکت نے اس بات پر زور دیا کہ آذربائیجان اور ترکیہ کے باہمی تعلقات برادرانہ روابط اور اسٹریٹجک اتحاد کی مضبوط بنیادوں پر قائم ہیں۔ دونوں رہنماؤں نے مختلف شعبوں میں تعاون اور تعلقات کو مزید وسعت دینے کا خیرمقدم کیا۔صدر الہام علیوف اور صدر رجب طیب اردوان نے خاص طور پر ’’ایک قوم، دو ریاستیں‘‘ کے اصول کا ذکر کرتے ہوئے کہا کہ دونوں ممالک اچھے اور مشکل، ہر طرح کے حالات میں ایک دوسرے کے ساتھ کھڑے رہے ہیں۔ملاقات میں علاقائی امن اور استحکام کو مزید مضبوط بنانے کے طریقوں پر بھی تبادلہ خیال کیا گیا۔دونوں صدور نے باہمی اتحادی تعلقات کو مزید مستحکم کرنے کے امکانات، علاقائی معاملات اور مشترکہ دلچسپی کے دیگر امور پر بھی خیالات کا تبادلہ کیا۔