علی یوف کی اسلامی تعاون تنظیم کے نئے سیکریٹری جنرل کو مبارکباد

باکو( تر کیہ خبر) آذربائیجان کے صدر الہام علی یوف نے اسماعیل ولد شیخ احمد کو اسلامی تعاون تنظیم کا سیکریٹری جنرل منتخب ہونے پر مبارکباد دی ہے۔صدر الہام علی یوف نے اپنے تہنیتی خط میں نئے سیکریٹری جنرل کے لیے ذمہ دارانہ منصب پر فرائض کی انجام دہی میں کامیابی کی خواہش کا اظہار کیا۔انہوں نے خط میں کہا کہ آذربائیجان اسلامی تعاون تنظیم کے ساتھ تعاون کو خصوصی اہمیت دیتا ہے اور دونوں جانب تعلقات کی موجودہ سطح اطمینان کا باعث ہے۔صدر آذربائیجان نے اس اعتماد کا اظہار کیا کہ اسماعیل ولد شیخ احمد کی قیادت میں یہ اہم تنظیم اسلامی تعاون تنظیم کو درپیش اہم ذمہ داریوں سے نمٹنے اور اسلامی یکجہتی کو مزید مضبوط بنانے میں مؤثر کردار ادا کرے گی۔الہام علی یوف نے ایک بار پھر سیکریٹری جنرل کے لیے اچھی صحت، خوشی اور اسلامی دنیا کی خوشحالی کے لیے ان کی باوقار ذمہ داریوں میں کامیابی کی دعا کی۔